rut meri basti ko is darja bhi barani na de
rut mirī bastī ko is darja bhī bārānī na de
shahr-e-dil ke sabza-zāroñ ko ye vīrānī na de
mil nahīñ paatā kabhī phūloñ se ġhunchoñ se mizāj
yuuñ mahak bhī apnī un ko rāt-kī-rānī na de
ḳhud-kalāmī karnī hai ḳhud se hī sargoshī mujhe
ab koī sūrat mujhe jaanī yā anjānī na de
sīm-gūñ ḳhvāboñ ko le kar ho na sar-gardāñ kabhī
is ḳharābe par to apnī jaan ai jaanī na de
be-niyāzī hī tirī hāsil mohabbat kā sahī
chashm-e-hairat ko to phir bhī dard kā paanī na de
TūTte hī nashsha-e-ulfat na rah jaa.eñ khulī
chashm-e-ummīd-e-karam ko aisī hairānī na de
chāñd hī kyā kahkashā.eñ bhī kareñ aa kar tavāf
us parī-paikar ko aisā husn-e-lā-sānī na de
narm-o-nāzuk paudh kumhlā jā.egī itnā to soch
in jaḌoñ ko apnī nafrat kā to ye paanī na de
rut meri basti ko is darja bhi barani na de
shahr-e-dil ke sabza-zaron ko ye virani na de
mil nahin pata kabhi phulon se ghunchon se mizaj
yun mahak bhi apni un ko raat-ki-rani na de
KHud-kalami karni hai KHud se hi sargoshi mujhe
ab koi surat mujhe jaani ya anjaani na de
sim-gun KHwabon ko le kar ho na sar-gardan kabhi
is KHarabe par to apni jaan ai jaani na de
be-niyazi hi teri hasil mohabbat ka sahi
chashm-e-hairat ko to phir bhi dard ka pani na de
TuTte hi nashsha-e-ulfat na rah jaen khuli
chashm-e-ummid-e-karam ko aisi hairani na de
chand hi kya kahkashaen bhi karen aa kar tawaf
us pari-paikar ko aisa husn-e-la-sani na de
narm-o-nazuk paudh kumhla jaegi itna to soch
in jaDon ko apni nafrat ka to ye pani na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
