rutba-e-taKHt se mahrum hai mansab mera

rutba-e-taḳht se mahrūm hai mansab merā

sāhab-e-fahm samajhte nahīñ matlab merā

hai mire sher se ahvāl-e-zamāna zāhir

paḌh lo tum bhī ki ye shīsha hai mahaddab merā

merī bastī ko ujāle meñ dikhā kar mujh ko

qatl kartā hai koī ḳhvāb meñ har shab merā

tarjumāñ haiñ mire māhaul kī ġhazleñ merī

ye alag baat ki lahja hai mohazzab merā

shahr-e-qāzī tire fatvoñ se ġharaz kyā mujh ko

rab mirā dil mirā marzī mirī maz.hab merā

khushbū-e-sher se mahzūz huā kar 'rāhat'

ġham ke bīmār ye nusḳha hai mujarrab merā

rutba-e-taKHt se mahrum hai mansab mera

sahab-e-fahm samajhte nahin matlab mera

hai mere sher se ahwal-e-zamana zahir

paDh lo tum bhi ki ye shisha hai mahaddab mera

meri basti ko ujale mein dikha kar mujh ko

qatl karta hai koi KHwab mein har shab mera

tarjuman hain mere mahaul ki ghazlen meri

ye alag baat ki lahja hai mohazzab mera

shahr-e-qazi tere fatwon se gharaz kya mujh ko

rab mera dil mera marzi meri mazhab mera

khushbu-e-sher se mahzuz hua kar 'rahat'

gham ke bimar ye nusKHa hai mujarrab mera