ruh ke mojazon ka zamana nahin jism hi kuchh karamat karte rahen
ruh ke mojazon ka zamana nahin jism hi kuchh karamat karte rahen
Irfan Siddiqi
MORE BYIrfan Siddiqi
ruuh ke mojazoñ kā zamāna nahīñ jism hī kuchh karāmāt karte raheñ
apne hone kā elaan karte raheñ apne hone kā isbāt karte raheñ
barf-e-rut aa ga.ī phir na.ī bastiyoñ se na.ī hijratoñ ne pukārā hameñ
lekin is baar pardes jaate hue rāstoñ par nishānāt karte raheñ
phir koī tishna-lab tiir is dasht meñ ham tak aayā hai tai kar ke kitnā safar
ai rag-e-jāñ kī jū-e-ravāñ ham bhī kuchh mehmāñ kī mudārāt karte raheñ
ek hī peḌ par saañp aur aadmī saath rahte haiñ sailāb utarne talak
ham-safar hai agar dushman-e-jāñ to kyā raah sunsān hai baat karte raheñ
jaan lene kā vaisā salīqa abhī lashkar-e-dushmanāñ meñ kisī ko nahīñ
aao ab apne ḳhemoñ meñ vāpas chaleñ dostoñ se mulāqāt karte raheñ
ruh ke mojazon ka zamana nahin jism hi kuchh karamat karte rahen
apne hone ka elan karte rahen apne hone ka isbaat karte rahen
barf-e-rut aa gai phir nai bastiyon se nai hijraton ne pukara hamein
lekin is bar pardes jate hue raston par nishanat karte rahen
phir koi tishna-lab tir is dasht mein hum tak aaya hai tai kar ke kitna safar
ai rag-e-jaan ki ju-e-rawan hum bhi kuchh mehman ki mudaraat karte rahen
ek hi peD par sanp aur aadmi sath rahte hain sailab utarne talak
ham-safar hai agar dushman-e-jaan to kya rah sunsan hai baat karte rahen
jaan lene ka waisa saliqa abhi lashkar-e-dushmanan mein kisi ko nahin
aao ab apne KHemon mein wapas chalen doston se mulaqat karte rahen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.