ruh ke zaKHm se chehre pe tawanai hai

ruuh ke zaḳhm se chehre pe tavānā.ī hai

be-hisī shiddat-e-ehsās kī gahrā.ī hai

har nafas tishnagī-e-dard pazīrā.ī hai

dil jise kahte haiñ ik mahshar-e-tanhā.ī hai

ḳhud-farāmosh huuñ maiñ ishq farāmosh nahīñ

bhūltā tujh ko to kahtā tirī yaad aa.ī hai

vaqt kā jabr hai majbūri-e-dil se bhī sivā

varna asl kise tāb-e-shakebā.ī hai

thī nazar jalva hī jalva tire nazzāre tak

ab nazar kyā hai faqat tohmat-e-bīnā.ī hai

hañste hañste kabhī aañsū nikal aa jaate the

pī ga.e ab ka.ī aañsū to hañsī aa.ī hai

kar ga.ī shahr kī tahzīb taraqqī kitnī

qātiloñ ko bhī yahāñ nāz-e-masīhā.ī hai

ḳhush-mizājī se na khā ahl-e-chaman kī dhokā

dil se begāne haiñ chehroñ se shanāsā.ī hai

daad de kaun mirī be-sar-o-sāmānī kī

har koī apnī tabāhī kā tamāshā.ī hai

sabr hī sabr hai dastūr-e-mohabbat kī shaañ

jabr-e-mahbūb pe ā.īn-e-zuleḳhā.ī hai

ruh ke zaKHm se chehre pe tawanai hai

be-hisi shiddat-e-ehsas ki gahrai hai

har nafas tishnagi-e-dard pazirai hai

dil jise kahte hain ek mahshar-e-tanhai hai

KHud-faramosh hun main ishq faramosh nahin

bhulta tujh ko to kahta teri yaad aai hai

waqt ka jabr hai majburi-e-dil se bhi siwa

warna asl kise tab-e-shakebai hai

thi nazar jalwa hi jalwa tere nazzare tak

ab nazar kya hai faqat tohmat-e-binai hai

hanste hanste kabhi aansu nikal aa jate the

pi gae ab kai aansu to hansi aai hai

kar gai shahr ki tahzib taraqqi kitni

qatilon ko bhi yahan naz-e-masihai hai

KHush-mizaji se na kha ahl-e-chaman ki dhoka

dil se begane hain chehron se shanasai hai

dad de kaun meri be-sar-o-samani ki

har koi apni tabahi ka tamashai hai

sabr hi sabr hai dastur-e-mohabbat ki shan

jabr-e-mahbub pe aain-e-zuleKHai hai