ruh ko qaid kiye jism ke haalon mein rahe
ruuh ko qaid kiye jism ke hāloñ meñ rahe
log makḌī kī tarah apne hī jāloñ meñ rahe
jism ko aa.ina dikhlāte haiñ saa.e varna
aadmī ke liye achchhā thā ujāloñ meñ rahe
vaqt se pahle ho kyuuñ zehn pe ḳhurshīd kā bojh
raat baaqī hai abhī chāñd piyāloñ meñ rahe
phir to rahnā hī hai ghūre kā muqaddar ho kar
phuul taaza hai abhī reshmī bāloñ meñ rahe
shauq hī hai to bahar-hāl tamāshā baniye
ye zarūrī nahīñ vo dekhne vāloñ meñ rahe
ab calendar meñ nayā DhūñDiye chehra 'shāhid'
kab talak ek hī tasvīr ḳhayāloñ meñ rahe
ruh ko qaid kiye jism ke haalon mein rahe
log makDi ki tarah apne hi jalon mein rahe
jism ko aaina dikhlate hain sae warna
aadmi ke liye achchha tha ujalon mein rahe
waqt se pahle ho kyun zehn pe KHurshid ka bojh
raat baqi hai abhi chand piyalon mein rahe
phir to rahna hi hai ghure ka muqaddar ho kar
phul taza hai abhi reshmi baalon mein rahe
shauq hi hai to bahar-haal tamasha baniye
ye zaruri nahin wo dekhne walon mein rahe
ab calendar mein naya DhunDiye chehra 'shahid'
kab talak ek hi taswir KHayalon mein rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
