ruThe huon ko apne manane chale the hum

rūThe huoñ ko apne manāne chale the ham

bigḌī huī thī baat banāne chale the ham

kyā kahiye āsmān thā vo yā zamīn thī

jis par guloñ kā naqsh biThāne chale the ham

dekhā unheñ qarīb se ham ne to ro diye

jin bastiyoñ ko aag lagāne chale the ham

duniyā ke naaz dekh ke hairān rah ga.e

goyā usī ke naaz uThāne chale the ham

vīrāniyoñ ne baḌh ke gale se lagā liyā

le kar diloñ meñ kaise ḳhazāne chale the ham

dekhā jo aap apne liye ġhair ho ga.e

ġhairoñ ko aa.ina to dikhāne chale the ham

ruThe huon ko apne manane chale the hum

bigDi hui thi baat banane chale the hum

kya kahiye aasman tha wo ya zamin thi

jis par gulon ka naqsh biThane chale the hum

dekha unhen qarib se hum ne to ro diye

jin bastiyon ko aag lagane chale the hum

duniya ke naz dekh ke hairan rah gae

goya usi ke naz uThane chale the hum

viraniyon ne baDh ke gale se laga liya

le kar dilon mein kaise KHazane chale the hum

dekha jo aap apne liye ghair ho gae

ghairon ko aaina to dikhane chale the hum