saat-e-asudgi dekhe hue arsa hua

Shahbaz Nadeem Ziai

saat-e-asudgi dekhe hue arsa hua

Shahbaz Nadeem Ziai

MORE BYShahbaz Nadeem Ziai

    sā.at-e-āsūdgī dekhe hue arsa huā

    muflisī ko mere ghar Thahre hue arsa huā

    lamha-e-rāhat-rasā dekhe hue arsa huā

    maañ tire shāne pe sar rakkhe hue arsa huā

    hijr tārīkiyoñ silsila hai duur tak

    chāndnī ko chāñd se bichhḌe hue arsa huā

    zindagī be-ḳhvāb lamhoñ meñ simaT kar rah ga.ī

    hijr meñ tere palak jhapke hue arsa huā

    ḳhauf se sahmā huā hai dil parinda aaj bhī

    sar se sailāb-e-alam guzre hue arsa huā

    dil ko rahtā hai musalsal muntashir hone ḳhauf

    yaanī andar se mujhe TuuTe hue arsa huā

    kārobār-e-zīst meñ kuchh is qadar uljhā ki bas

    tere baare meñ bhī kuchh soche hue arsa huā

    ai hujūm-e-ārzū ab chāhtā huuñ taḳhliya

    ḳhāna-e-dil meñ tujhe rahte hue arsa huā

    maiñ kahāñ huuñ kaun manzil meñ huuñ koī batā.e

    mujh ko apnī khoj meñ nikle hue arsa huā

    dushmanī gum ho ga.ī hai dostoñ bhiiḌ meñ

    chehra haa.e dushmanāñ dekhe hue arsa huā

    apnī raah le ab ai dil-e-ishrat-talab

    pehlū-e-'shahbāz' meñ baiThe hue arsa huā

    saat-e-asudgi dekhe hue arsa hua

    muflisi ko mere ghar Thahre hue arsa hua

    lamha-e-rahat-rasa dekhe hue arsa hua

    man tere shane pe sar rakkhe hue arsa hua

    hijr ki tarikiyon ka silsila hai dur tak

    chandni ko chand se bichhDe hue arsa hua

    zindagi be-KHwab lamhon mein simaT kar rah gai

    hijr mein tere palak jhapke hue arsa hua

    KHauf se sahma hua hai dil parinda aaj bhi

    sar se sailab-e-alam guzre hue arsa hua

    dil ko rahta hai musalsal muntashir hone ka KHauf

    yani andar se mujhe TuTe hue arsa hua

    karobar-e-zist mein kuchh is qadar uljha ki bas

    tere bare mein bhi kuchh soche hue arsa hua

    ai hujum-e-arzu ab chahta hun taKHliya

    KHana-e-dil mein tujhe rahte hue arsa hua

    main kahan hun kaun si manzil mein hun koi batae

    mujh ko apni khoj mein nikle hue arsa hua

    dushmani gum ho gai hai doston ki bhiD mein

    chehra hae dushmanan dekhe hue arsa hua

    ja tu apni rah le ab ai dil-e-ishrat-talab

    pehlu-e-'shahbaz' mein baiThe hue arsa hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY