saat-e-hijran hai ab kaise jahanon mein rahun
sā.at-e-hijrāñ hai ab kaise jahānoñ meñ rahūñ
kin ilāqoñ meñ basūñ maiñ kin makānoñ meñ rahūñ
ek dasht-e-lā-makāñ phailā hai mere har taraf
dasht se niklūñ to jā kar kin Thikānoñ meñ rahūñ
ilm hai jo paas mere kis jagah ifshā karūñ
yā abad tak is ḳhabar ke rāz-dānoñ meñ rahūñ
vasl kī shām-e-siyah us se pare ābādiyāñ
ḳhvāb daa.im hai yahī maiñ jin zamānoñ meñ rahūñ
ye safar ma.alūm kā ma.alūm tak hai ai 'munīr'
maiñ kahāñ tak in hadoñ ke qaid-ḳhānoñ meñ rahūñ
saat-e-hijran hai ab kaise jahanon mein rahun
kin ilaqon mein basun main kin makanon mein rahun
ek dasht-e-la-makan phaila hai mere har taraf
dasht se niklun to ja kar kin Thikanon mein rahun
ilm hai jo pas mere kis jagah ifsha karun
ya abad tak is KHabar ke raaz-danon mein rahun
wasl ki sham-e-siyah us se pare aabaadiyan
KHwab daim hai yahi main jin zamanon mein rahun
ye safar malum ka malum tak hai ai 'munir'
main kahan tak in hadon ke qaid-KHanon mein rahun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
