sae hain gosh-bar-awaz zara aahista

saa.e haiñ gosh-bar-āvāz zarā āhista

moniso aaj kī shab zikr-e-vafā āhista

chāñd ke paañv ruke tham ga.e uḌte bādal

zikr kis āriz-o-gesū kā chalā āhista

kitne din aa.e kafan oḌhe hue ḳhvāboñ kā

shab ne kholī tirī yādoñ kī qabā āhista

kyā ḳhabar agle baras ajnabī ho jaa.eñ ham

TūTte jaate haiñ paimān-e-vafā āhista

aaj phir zaḳhm-e-tamannā se mahak uThtī hai

koī paiġhām liye aa.ī sabā āhista

aañkh ne dekhā na ho dil to magar jaane hai

kaun detā hai darīchoñ pe sadā āhista

sae hain gosh-bar-awaz zara aahista

moniso aaj ki shab zikr-e-wafa aahista

chand ke panw ruke tham gae uDte baadal

zikr kis aariz-o-gesu ka chala aahista

kitne din aae kafan oDhe hue KHwabon ka

shab ne kholi teri yaadon ki qaba aahista

kya KHabar agle baras ajnabi ho jaen hum

TuTte jate hain paiman-e-wafa aahista

aaj phir zaKHm-e-tamanna se mahak uThti hai

koi paigham liye aai saba aahista

aankh ne dekha na ho dil to magar jaane hai

kaun deta hai darichon pe sada aahista