sahib-e-mehr-o-wafa arz-o-sama kyun chup hai

Obaidullah Aleem

sahib-e-mehr-o-wafa arz-o-sama kyun chup hai

Obaidullah Aleem

MORE BYObaidullah Aleem

    sāhib-e-mehr-o-vafā arz-o-samā kyuuñ chup hai

    ham pe to vaqt ke pahre haiñ ḳhudā kyuuñ chup hai

    be-sabab ġham meñ sulagnā mirī aadat sahī

    saaz ḳhāmosh hai kyuuñ shola-navā kyuuñ chup hai

    phuul to sahm ga.e dast-e-karam se dam-e-sub.h

    gungunātī huī āvāra sabā kyuuñ chup hai

    ḳhatm hogā na kabhī silsila-e-ahl-e-vafā

    soch ai dāvar-e-maqtal ye fazā kyuuñ chup hai

    mujh pe taarī hai rah-e-ishq āsūda thakan

    tujh pe kyā guzrī mire chāñd batā kyuuñ chup hai

    jānñe vaale to sab jaan ga.e hoñge 'alīm'

    ek muddat se tirā zehn-e-rasā kyuuñ chup hai

    sahib-e-mehr-o-wafa arz-o-sama kyun chup hai

    hum pe to waqt ke pahre hain KHuda kyun chup hai

    be-sabab gham mein sulagna meri aadat hi sahi

    saz KHamosh hai kyun shola-nawa kyun chup hai

    phul to sahm gae dast-e-karam se dam-e-subh

    gungunati hui aawara saba kyun chup hai

    KHatm hoga na kabhi silsila-e-ahl-e-wafa

    soch ai dawar-e-maqtal ye faza kyun chup hai

    mujh pe tari hai rah-e-ishq ki aasuda thakan

    tujh pe kya guzri mere chand bata kyun chup hai

    jaanne wale to sab jaan gae honge 'alim'

    ek muddat se tera zehn-e-rasa kyun chup hai

    Source :
    • Book : Chand Chehra Sitara Aankhen (Pg. 53)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY