sahil pe ye TuTe hue taKHte jo paDe hain
sāhil pe ye TuuTe hue taḳhte jo paḌe haiñ
Takrā.e haiñ tūfāñ se talātum se laḌe haiñ
dil apnā jalāo shab-e-zulmat ke harīfo
kyā ġham hai charāġhoñ ke agar qaht paḌe haiñ
chaḌhne do abhī aur zarā vaqt kā sūraj
ho jā.eñge chhoTe yahī saa.e jo baḌe haiñ
manzil se palaT aa.e haiñ ham ahl-e-mohabbat
jo sañg-e-hidāyat the vo raste meñ khaḌe haiñ
haiñ masḳh-shuda chehre 'shahūd' aap se barham
ā.īna-sifat aap muqābil jo khaḌe haiñ
sahil pe ye TuTe hue taKHte jo paDe hain
Takrae hain tufan se talatum se laDe hain
dil apna jalao shab-e-zulmat ke harifo
kya gham hai charaghon ke agar qaht paDe hain
chaDhne do abhi aur zara waqt ka suraj
ho jaenge chhoTe yahi sae jo baDe hain
manzil se palaT aae hain hum ahl-e-mohabbat
jo sang-e-hidayat the wo raste mein khaDe hain
hain masKH-shuda chehre 'shahud' aap se barham
aaina-sifat aap muqabil jo khaDe hain
Source:
Rooh-e-Ghazal,Pachas Sala Intekhab (Pg. 690)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
