sahil tamam ashk-e-nadamat se aT gaya

Shakeb Jalali

sahil tamam ashk-e-nadamat se aT gaya

Shakeb Jalali

MORE BYShakeb Jalali

    sāhil tamām ashk-e-nadāmat se aT gayā

    dariyā se koī shaḳhs to pyāsā palaT gayā

    lagtā thā be-karāñ mujhe sahrā meñ āsmāñ

    pahuñchā jo bastiyoñ meñ to ḳhānoñ meñ baT gayā

    itnā saḳht-jān ki talvār be-asar

    itnā narm-dil ki rag-e-gul se kaT gayā

    bāñhoñ meñ aa sakā na havelī ik sutūn

    putlī meñ merī aañkh sahrā simaT gayā

    ab kaun jaa.e ku-e-malāmat ko chhoḌ kar

    qadmoñ se aa ke apnā saaya lipaT gayā

    gumbad kyā qusūr use kyuuñ kaho burā

    aayā jidhar se tair udhar palaT gayā

    rakhtā hai ḳhud se kaun harīfāna kashmakash

    maiñ thā ki raat apne muqābil DaT gayā

    jis amaañ meñ huuñ vahī uktā gayā na ho

    būñdeñ ye kyuuñ barastī haiñ bādal to chhaT gayā

    vo lamha-e-shu.ūr jise jāñkanī kaheñ

    chehre se zindagī ke naqābeñ ulaT gayā

    Thokar se merā paañv to zaḳhmī huā zarūr

    raste meñ jo khaḌā thā vo kohsār haT gayā

    ik hashr bapā thā mire dil meñ ai 'shakeb'

    kholīñ jo khiḌkiyāñ to zarā shor ghaT gayā

    sahil tamam ashk-e-nadamat se aT gaya

    dariya se koi shaKHs to pyasa palaT gaya

    lagta tha be-karan mujhe sahra mein aasman

    pahuncha jo bastiyon mein to KHanon mein baT gaya

    ya itna saKHt-jaan ki talwar be-asar

    ya itna narm-dil ki rag-e-gul se kaT gaya

    banhon mein aa saka na haweli ka ek sutun

    putli mein meri aankh ki sahra simaT gaya

    ab kaun jae ku-e-malamat ko chhoD kar

    qadmon se aa ke apna hi saya lipaT gaya

    gumbad ka kya qusur use kyun kaho bura

    aaya jidhar se tair udhar hi palaT gaya

    rakhta hai KHud se kaun harifana kashmakash

    main tha ki raat apne muqabil hi DaT gaya

    jis ki aman mein hun wahi ukta gaya na ho

    bunden ye kyun barasti hain baadal to chhaT gaya

    wo lamha-e-shuur jise jaankani kahen

    chehre se zindagi ke naqaben ulaT gaya

    Thokar se mera panw to zaKHmi hua zarur

    raste mein jo khaDa tha wo kohsar haT gaya

    ek hashr sa bapa tha mere dil mein ai 'shakeb'

    kholin jo khiDkiyan to zara shor ghaT gaya

    Source :
    • Book : Kulliyat-e-Shakiib Jalali (Pg. 138)
    • Author : Mohd Nasir Khan
    • Publication : Farid Book Depot Pvt. Ltd (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now