saman-e-ehtimam-e-charaghan abhi nahin

sāmān-e-ehtimām-e-charāġhāñ abhī nahīñ

mahfūz bijliyoñ se gulistāñ abhī nahīñ

merā nasīb haiñ ġham-e-daurāñ kī talḳhiyāñ

mere nasīb meñ ġham-e-jānāñ abhī nahīñ

kahte haiñ lab ki chheḌ fasāne bahār ke

kahtī hai aañkh zikr-e-bahārāñ abhī nahīñ

ab tak ḳhizāñ-rasīda hai sub.h-e-bahār-e-nau

āsūda-e-bahār-e-gulistāñ abhī nahīñ

har lab pe hai nazāra-e-sāhil kī guftugū

dil rāzdār-e-lazzat-e-tūfāñ abhī nahīñ

go sub.h ho chukī hai añdherā hanūz hai

kuchh e.atibār-e-sub.h-e-daraḳhshāñ abhī nahīñ

'fārūq' koī husn-e-charāġhāñ manā.e kyā

dil be-niyāz-e-bād-e-shahīdāñ abhī nahīñ

saman-e-ehtimam-e-charaghan abhi nahin

mahfuz bijliyon se gulistan abhi nahin

mera nasib hain gham-e-dauran ki talKHiyan

mere nasib mein gham-e-jaanan abhi nahin

kahte hain lab ki chheD fasane bahaar ke

kahti hai aankh zikr-e-bahaaran abhi nahin

ab tak KHizan-rasida hai subh-e-bahaar-e-nau

aasuda-e-bahaar-e-gulistan abhi nahin

har lab pe hai nazara-e-sahil ki guftugu

dil raazdar-e-lazzat-e-tufan abhi nahin

go subh ho chuki hai andhera hanuz hai

kuchh eatibar-e-subh-e-daraKHshan abhi nahin

'faruq' koi husn-e-charaghan manae kya

dil be-niyaz-e-baad-e-shahidan abhi nahin