samna hai nigah-e-qatil ka

sāmnā hai nigāh-e-qātil kā

dekhnā hausla mire dil kā

haa.e kahnā adā se qātil kā

ham ko dikhlāo raqs bismil kā

chale muñh pher kar vo maqtal se

haal dekhā gayā na bismil kā

josh-e-vahshat meñ terā dīvāna

kyoñ na mushtāq ho salāsil kā

khīñch kar un ko mere ghar laayā

asar āḳhir ko jazb-e-kāmil kā

shaiḳh ḳhāmosh ho ḳhudā ke liye

zikr rindoñ meñ kyā masā.il kā

kaash vo chuTkiyāñ hī leñ aa kar

mashġhala kuchh to ho dukhe dil kā

bosa de Daalo husn kī ḳhairāt

rad na kiije savāl saa.il kā

ai sabā kar bhī qais par ehsān

tū hī parda uThā de mahmil kā

shak thā miTTī kā na ho āshiq ke

itr kyūñkar vo sūñghte gul kā

naza.a meñ bhī 'diler' aa.e na vo

rah gayā dil meñ hausla dil kā

samna hai nigah-e-qatil ka

dekhna hausla mere dil ka

hae kahna ada se qatil ka

hum ko dikhlao raqs bismil ka

chale munh pher kar wo maqtal se

haal dekha gaya na bismil ka

josh-e-wahshat mein tera diwana

kyon na mushtaq ho salasil ka

khinch kar un ko mere ghar laya

asar aaKHir ko jazb-e-kaamil ka

shaiKH KHamosh ho KHuda ke liye

zikr rindon mein kya masail ka

kash wo chuTkiyan hi len aa kar

mashghala kuchh to ho dukhe dil ka

bosa de Dalo husn ki KHairaat

rad na kije sawal sail ka

ai saba kar bhi qais par ehsan

tu hi parda uTha de mahmil ka

shak tha miTTi ka na ho aashiq ke

itr kyunkar wo sunghte gul ka

naza mein bhi 'diler' aae na wo

rah gaya dil mein hausla dil ka