samne jaisi chamak aur na jauhar dekha

sāmne jaisī chamak aur na jauhar dekhā

ā.īna maiñ ne ka.ī baar palaT kar dekhā

kabhī tūfāñ kabhī sāhil kabhī gauhar dekhā

raat bhar ḳhvāb meñ pyāse ne samundar dekhā

kyā milegā bhalā insān ke chehre kā surāġh

jab bhī dekhā mujhe duniyā ne to be-sar dekhā

reg-e-sahrā bhī uchhalne lagī paanī kī tarah

jab sarāboñ pe kabhī pheñk ke patthar dekhā

dars-e-iḳhlās hai sūraj kā muqaddar 'kāzim'

utnā hī ūñchā huā jitnā zamīn par dekhā

samne jaisi chamak aur na jauhar dekha

aaina main ne kai bar palaT kar dekha

kabhi tufan kabhi sahil kabhi gauhar dekha

raat bhar KHwab mein pyase ne samundar dekha

kya milega bhala insan ke chehre ka suragh

jab bhi dekha mujhe duniya ne to be-sar dekha

reg-e-sahra bhi uchhalne lagi pani ki tarah

jab sarabon pe kabhi phenk ke patthar dekha

dars-e-iKHlas hai suraj ka muqaddar 'kazim'

utna hi uncha hua jitna zamin par dekha