samne tere hun ghabraya hua
sāmne tere huuñ ghabrāyā huā
be-zabāñ hone pe sharmāyā huā
laakh ab manzar ho dhundlāyā huā
yaad hai mujh ko nazar aayā huā
ye bhī kahnā thā batā kar rāsta
maiñ vahī huuñ terā bhaTkāyā huā
maiñ ki ik aaseb ik be-chain ruuh
be-vuzū hāthoñ kā dafnāyā huā
aa gayā phir mashvara dene mujhe
ḳhema-e-dushman kā samjhāyā huā
phir vo manzil lutf kyā detī mujhe
maiñ vahāñ pahuñchā thā jhunjhlāyā huā
terī galiyoñ se guzar āsāñ nahīñ
aaj bhī chaltā huuñ ghabrāyā huā
kuchh nayā karne kā phir matlab hī kyā
jab tamāshā.ī hai uktāyā huā
kam se kam is kā to rakhtā vo lihāz
maiñ huuñ ik āvāz par aayā huā
mujh ko āsānī se pā saktā hai kaun
maiñ huuñ tere dar kā Thukrāyā huā
samne tere hun ghabraya hua
be-zaban hone pe sharmaya hua
lakh ab manzar ho dhundlaya hua
yaad hai mujh ko nazar aaya hua
ye bhi kahna tha bata kar rasta
main wahi hun tera bhaTkaya hua
main ki ek aaseb ek be-chain ruh
be-wuzu hathon ka dafnaya hua
aa gaya phir mashwara dene mujhe
KHema-e-dushman ka samjhaya hua
phir wo manzil lutf kya deti mujhe
main wahan pahuncha tha jhunjhlaya hua
teri galiyon se guzar aasan nahin
aaj bhi chalta hun ghabraya hua
kuchh naya karne ka phir matlab hi kya
jab tamashai hai uktaya hua
kam se kam is ka to rakhta wo lihaz
main hun ek aawaz par aaya hua
mujh ko aasani se pa sakta hai kaun
main hun tere dar ka Thukraya hua
Source:
Yahan Tak Roshni Aati Kahan Thi (Pg. 76)
- Author: Shariq Kaifi
-
- Edition: 2008
- Publisher: Educational Publishing House
- Year of Publication: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
