samne un ke taDap kar is tarah fariyaad ki

Asghar Gondvi

samne un ke taDap kar is tarah fariyaad ki

Asghar Gondvi

MORE BYAsghar Gondvi

    sāmne un ke taḌap kar is tarah fariyād

    maiñ ne puurī shakl dikhlā dil-e-nāshād

    ab yahī hai vaj.h-e-taskīñ ḳhātir-e-nāshād

    zindagī maiñ ne dayār-e-husn meñ barbād

    hosh par bijlī girī āñkheñ bhī ḳhīra ho ga.iiñ

    tum to kyā the ik jhalak thī tumhārī yaad

    chal diyā majnūñ to sahrā se kisī jānib magar

    ik sadā gūñjī huī hai naala o fariyād

    naġhma-e-pur-dard chheḌā maiñ ne is andāz se

    ḳhud-ba-ḳhud mujh par nazar paḌne lagī sayyād

    dil huā majbūr jis dam ashk-e-hasrat ban gayā

    ruuh jab taḌpī to sūrat ban ga.ī fariyād

    is harīm-e-quds meñ kyā lafz o ma.anī guzar

    phir bhī sab bāteñ pahuñchtī haiñ lab-e-fariyād

    tamtamā uThe vo aariz mere arz-e-shauq par

    husn jaag uThā vahīñ jab ishq ne fariyād

    āshiyāñ meñ ab kisī sūrat nahīñ paḌtā hai chain

    thī nazar tāsīr meñ Duubī huī sayyād

    sher meñ rañgīni-e-josh-e-taḳhayyul chāhiye

    mujh ko 'asġhar' kam hai aadat naala o fariyād

    samne un ke taDap kar is tarah fariyaad ki

    main ne puri shakl dikhla di dil-e-nashad ki

    ab yahi hai wajh-e-taskin KHatir-e-nashad ki

    zindagi main ne dayar-e-husn mein barbaad ki

    hosh par bijli giri aankhen bhi KHira ho gain

    tum to kya the ek jhalak si thi tumhaari yaad ki

    chal diya majnun to sahra se kisi jaanib magar

    ek sada gunji hui hai nala o fariyaad ki

    naghma-e-pur-dard chheDa main ne is andaz se

    KHud-ba-KHud mujh par nazar paDne lagi sayyaad ki

    dil hua majbur jis dam ashk-e-hasrat ban gaya

    ruh jab taDpi to surat ban gai fariyaad ki

    is harim-e-quds mein kya lafz o mani ka guzar

    phir bhi sab baaten pahunchti hain lab-e-fariyaad ki

    tamtama uThe wo aariz mere arz-e-shauq par

    husn jag uTha wahin jab ishq ne fariyaad ki

    aashiyan mein ab kisi surat nahin paDta hai chain

    thi nazar tasir mein Dubi hui sayyaad ki

    sher mein rangini-e-josh-e-taKHayyul chahiye

    mujh ko 'asghar' kam hai aadat nala o fariyaad ki

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY