samne us but ke jab jaana paDa

sāmne us but ke jab jaanā paḌā

kufr par īmāñ mujhe laanā paḌā

bahar-e-darmāñ un ko jab aanā paḌā

dard-e-dil ko aur baḌh jaanā paḌā

phir bhī kab samjhā fareb-e-husn ko

dil ko lākhoñ baar samjhānā paḌā

jiite jī dīdār-e-jānāñ thā muhāl

zindagī meñ mujh ko mar jaanā paḌā

kū-e-jānāñ kūcha-e-jānāñ thā phir

jannat-e-vā.iz ko Thukrānā paḌā

ho chukā nazrāna jab dil husn kā

phir jigar ko sāmne laanā paḌā

zindagī meñ jab na 'afqar' aa.e vo

zindagī ko maut ban jaanā paḌā

samne us but ke jab jaana paDa

kufr par iman mujhe lana paDa

bahar-e-darman un ko jab aana paDa

dard-e-dil ko aur baDh jaana paDa

phir bhi kab samjha fareb-e-husn ko

dil ko lakhon bar samjhana paDa

jite ji didar-e-jaanan tha muhaal

zindagi mein mujh ko mar jaana paDa

ku-e-jaanan kucha-e-jaanan tha phir

jannat-e-waiz ko Thukrana paDa

ho chuka nazrana jab dil husn ka

phir jigar ko samne lana paDa

zindagi mein jab na 'afqar' aae wo

zindagi ko maut ban jaana paDa