sāneha jism bebasī hāsil
zindagī shor ḳhāmushī hāsil
ek sahrā se ek dariyā tak
har masāfat kā tishnagī hāsil
guftugū vo tavīl thī jis kā
baat ik an-kahī banī hāsil
bandagī ho ki ishq donoñ kā
ik ḳhudā aur be-ḳhudī hāsil
aks hāsil nahīñ hai shīshe kā
na hī chehre kā chehragī hāsil
vaqt se jītne kī koshish meñ
ik kalā.ī ko bas ghaḌī hāsil
kabhī āġhāz koī bantā hai
kabhī anjām to kabhī hāsil
dasht-e-bīnā.ī meñ in āñkhoñ kā
āḳhirash bas rahī namī hāsil
saneha jism bebasi hasil
zindagi shor KHamushi hasil
ek sahra se ek dariya tak
har masafat ka tishnagi hasil
guftugu wo tawil thi jis ka
baat ek an-kahi bani hasil
bandagi ho ki ishq donon ka
ek KHuda aur be-KHudi hasil
aks hasil nahin hai shishe ka
na hi chehre ka chehragi hasil
waqt se jitne ki koshish mein
ek kalai ko bas ghaDi hasil
kabhi aaghaz koi banta hai
kabhi anjam to kabhi hasil
dasht-e-binai mein in aankhon ka
aaKHirash bas rahi nami hasil
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.