saneha qismaton ke darichon mein lapkega chhup jaega baat Tal jaegi

Yasmeen Hameed

saneha qismaton ke darichon mein lapkega chhup jaega baat Tal jaegi

Yasmeen Hameed

MORE BYYasmeen Hameed

    sāneha qismatoñ ke darīchoñ meñ lapkegā chhup jā.egā baat Tal jā.egī

    sab musāfir gharoñ ko palaT jā.eñge ġham vahshat ḳhushī meñ badal jā.egī

    ham sitāroñ mānind TūTeñge aur āsmāñ par lakīreñ banā jā.eñge

    maut raqs kartī huī ek saa.at rukegī kahīñ phir sambhal jā.egī

    saare bikhre hue lafz koī uThā lā.egā aan aan meñ aur phir

    uljhī uljhī zabāñ apnī tartīb badlegī aur ik kahānī meñ Dhal jā.egī

    ek din ham irāda kareñge ki ab apne ḳhvāboñ qīmat nahīñ leñge ham

    ek din ham badal jā.eñge aur phir ḳhud-baḳhud saarī duniyā badal jā.egī

    jab sitāre bujheñge to shab ke samundar meñ lahroñ ruḳh dekhne ke liye

    sub.h-e-kāzib āñkheñ achānak khuleñgī bashārat qindīl jal jā.egī

    dard lau maddham harārat ke pahlū meñ patthar dil bhī taḌaḳh jā.egā

    ye jo lohe dīvār atrāf-e-jāñ khīñch rakhī hai ye bhī pighal jā.egī

    ye bhī hogā ki dil aise ho jā.egā jaise is meñ koī aarzū na thī

    itnā ḳhālī ye ho jā.egā ḳhālī hone dil se ḳhalish bhī nikal jā.egī

    saneha qismaton ke darichon mein lapkega chhup jaega baat Tal jaegi

    sab musafir gharon ko palaT jaenge gham ki wahshat KHushi mein badal jaegi

    hum sitaron ki manind TuTenge aur aasman par lakiren bana jaenge

    maut ka raqs karti hui ek saat rukegi kahin phir sambhal jaegi

    sare bikhre hue lafz koi uTha laega aan ki aan mein aur phir

    uljhi uljhi zaban apni tartib badlegi aur ek kahani mein Dhal jaegi

    ek din hum irada karenge ki ab apne KHwabon ki qimat nahin lenge hum

    ek din hum badal jaenge aur phir KHud-baKHud sari duniya badal jaegi

    jab sitare bujhenge to shab ke samundar mein lahron ka ruKH dekhne ke liye

    subh-e-kazib ki aankhen achanak khulengi bashaarat ki qindil jal jaegi

    dard ki lau ki maddham hararat ke pahlu mein patthar ka dil bhi taDaKH jaega

    ye jo lohe ki diwar atraf-e-jaan khinch rakhi hai ye bhi pighal jaegi

    ye bhi hoga ki dil aise ho jaega jaise is mein koi aarzu hi na thi

    itna KHali ye ho jaega KHali hone ki dil se KHalish bhi nikal jaegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY