sans lena bhi saza lagta hai
saañs lenā bhī sazā lagtā hai
ab to marnā bhī ravā lagtā hai
koh-e-ġham par se jo dekhūñ to mujhe
dasht āġhosh-e-fanā lagtā hai
sar-e-bāzār hai yāroñ kī talāsh
jo guzartā hai ḳhafā lagtā hai
mausam-e-gul meñ sar-e-shāḳh-e-gul
sho.ala bhaḌke to bajā lagtā hai
muskurātā hai jo is aalam meñ
ba-ḳhudā mujh ko ḳhudā lagtā hai
itnā mānūs huuñ sannāTe se
koī bole to burā lagtā hai
un se mil kar bhī na kāfūr huā
dard ye sab se judā lagtā hai
nutq kā saath nahīñ detā zehn
shukr kartā huuñ gila lagtā hai
is qadar tund hai raftār-e-hayāt
vaqt bhī rishta-bapā lagtā hai
sans lena bhi saza lagta hai
ab to marna bhi rawa lagta hai
koh-e-gham par se jo dekhun to mujhe
dasht aaghosh-e-fana lagta hai
sar-e-bazar hai yaron ki talash
jo guzarta hai KHafa lagta hai
mausam-e-gul mein sar-e-shaKH-e-gul
shoala bhaDke to baja lagta hai
muskuraata hai jo is aalam mein
ba-KHuda mujh ko KHuda lagta hai
itna manus hun sannaTe se
koi bole to bura lagta hai
un se mil kar bhi na kafur hua
dard ye sab se juda lagta hai
nutq ka sath nahin deta zehn
shukr karta hun gila lagta hai
is qadar tund hai raftar-e-hayat
waqt bhi rishta-bapa lagta hai
Source:
kulliya-e-ahmad nadiim qaasmii (Pg. 109)
- Author: ahmad nadiim qaasmii
-
- Edition: 2004
- Publisher: Farid book depot
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
