aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sanson ke taaqub mein hairan mili duniya

Ata Abidi

sanson ke taaqub mein hairan mili duniya

Ata Abidi

MORE BYAta Abidi

    sāñsoñ ke ta.āqub meñ hairān milī duniyā

    tasvīr bane jab ham ā.īna huī duniyā

    ham ḳhuun pasīna jab ik kar ke hue raushan

    kyuuñ aag banī duniyā aur ḳhuub jalī duniyā

    apnā nazariyya kyā mahrūm-e-nazar haiñ jab

    us samt chale ham bhī jis samt chalī duniyā

    sailāb-e-balā se ye kyuuñ ḳhauf dilātī hai

    kyā ham ko bachā.egī sho.aloñ meñ ghirī duniyā

    ma.amūl judā.ī hai go phuul gulshan se

    lekin jo huī anqā ḳhvāboñ meñ basī duniyā

    sab ḳhvāb purāne haiñ har chand fasāne haiñ

    ham roz basāte haiñ āñkhoñ meñ na.ī duniyā

    ham donoñ safar meñ the ma.alūm nahīñ ab kuchh

    kyā ne kahī duniyā kyā ham ne sunī duniyā

    fardā-e-qayāmat va.ada tirā pursāñ hai

    ab kitnī bachīñ sāñseñ ab kitnī bachī duniyā

    har baat pe hairānī har lamhe nigrānī

    duniyā se 'atā' ya.anī kab samjhī ga.ī duniyā

    sanson ke taaqub mein hairan mili duniya

    taswir bane jab hum aaina hui duniya

    hum KHun pasina jab ek kar ke hue raushan

    kyun aag bani duniya aur KHub jali duniya

    apna nazariyya kya mahrum-e-nazar hain jab

    us samt chale hum bhi jis samt chali duniya

    sailab-e-bala se ye kyun KHauf dilati hai

    kya hum ko bachaegi shoalon mein ghiri duniya

    mamul judai hai go phul ki gulshan se

    lekin jo hui anqa KHwabon mein basi duniya

    sab KHwab purane hain har chand fasane hain

    hum roz basate hain aankhon mein nai duniya

    hum donon safar mein the malum nahin ab kuchh

    kya tu ne kahi duniya kya hum ne suni duniya

    farda-e-qayamat ka wada tera pursan hai

    ab kitni bachin sansen ab kitni bachi duniya

    har baat pe hairani har lamhe ki nigrani

    duniya se 'ata' yani kab samjhi gai duniya

    Videos
    This video is playing from YouTube

    Videos
    This video is playing from YouTube

    Ata Abidi

    Ata Abidi

    RECITATIONS

    Ata Abidi

    Ata Abidi,

    Ata Abidi

    sanson ke taaqub mein hairan mili duniya Ata Abidi

    Source:

    Nawisht-e-Nawa (Pg. 73)

    • Author: Ata Abidi
      • Edition: 2009
      • Publisher: Educational Publishing House, Delhi
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now