sanson ko karb zist gham-e-be-panah ko
sāñsoñ ko karb ziist ġham-e-be-panāh ko
kis kis ko mutma.in maiñ karūñ ḳhvāh-maḳhvāh ko
sūraj ke paar dekh sako gar mirī tarah
tab jā ke pāoge mirī hadd-e-nigāh ko
maiñ is fareb-gah meñ vo ādam-gazīda huuñ
DhūñDe hai jo añdheroñ meñ jā-e-panāh ko
apnā na maiñ huā to bhalā kaun hai mirā
apnā.e kyuuñ koī kisī gum-karda-rāh ko
maiñ hādsoñ kī bhiiḌ meñ tanhā khaḌā huā
āvāz de rahā huuñ kisī ḳhair-ḳhvāh ko
saaya bhī ham-qadam na mirā ho isī liye
ḳhātir meñ laayā maiñ na kisī intibāh ko
sanson ko karb zist gham-e-be-panah ko
kis kis ko mutmain main karun KHwah-maKHwah ko
suraj ke par dekh sako gar meri tarah
tab ja ke paoge meri hadd-e-nigah ko
main is fareb-gah mein wo aadam-gazida hun
DhunDe hai jo andheron mein ja-e-panah ko
apna na main hua to bhala kaun hai mera
apnae kyun koi kisi gum-karda-rah ko
main hadson ki bhiD mein tanha khaDa hua
aawaz de raha hun kisi KHair-KHwah ko
saya bhi ham-qadam na mera ho isi liye
KHatir mein laya main na kisi intibah ko
Source:
Rooh-e-Ghazal,Pachas Sala Intekhab (Pg. 614)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
