sanson mein tasalsul hai na aankhon mein jila hai

sāñsoñ meñ tasalsul hai na āñkhoñ meñ jilā hai

aise meñ vo mā.il-ba-karam hoñ bhī to kyā hai

jab un se bichhaḌ kar bhī hameñ jiinā paḌā hai

taqdīr kī 'azmat kā ab ehsās huā hai

is sidq-e-dilī ne bhī hameñ ḳhvār kiyā hai

jo dil meñ hai sab kuchh vahī chehre pe likhā hai

kal zikr-e-vafā jin kī samā'at pe girāñ thā

sunte haiñ unheñ tark-e-vafā par bhī gila hai

phir sāya-figan hai mire dil par ġham-e-daurāñ

shāyad ġham-e-jānāñ kā fusūñ Tuut gayā hai

har saal bahāroñ meñ lahū roī haiñ āñkheñ

har baar nayā zaḳhm bahāroñ ne diyā hai

zaḳhmī sī ik ummīd hai dil meñ abhī 'afzal'

le de ke yahī kuchh hai jo dāman meñ bachā hai

sanson mein tasalsul hai na aankhon mein jila hai

aise mein wo mail-ba-karam hon bhi to kya hai

jab un se bichhaD kar bhi hamein jina paDa hai

taqdir ki 'azmat ka ab ehsas hua hai

is sidq-e-dili ne bhi hamein KHwar kiya hai

jo dil mein hai sab kuchh wahi chehre pe likha hai

kal zikr-e-wafa jin ki sama'at pe giran tha

sunte hain unhen tark-e-wafa par bhi gila hai

phir saya-figan hai mere dil par gham-e-dauran

shayad gham-e-jaanan ka fusun Tut gaya hai

har sal bahaaron mein lahu roi hain aankhen

har bar naya zaKHm bahaaron ne diya hai

zaKHmi si ek ummid hai dil mein abhi 'afzal'

le de ke yahi kuchh hai jo daman mein bacha hai