ساقی ہیں روز نو بہار یک دو سہ چار پنج و شش
ساقی ہیں روز نو بہار یک دو سہ چار پنج و شش
دے مجھے جام خوش گوار یک دو سہ چار پنج و شش
بوسہ میں لوں گا گن کے یار یک دو سہ چار پنج و شش
کہہ چکا بس میں ایک بار یک دو سہ چار پنج و شش
پہنچیں نہ تجھ کو گل عذار یک دو سہ چار پنج و شش
رخ ترا ایک اور بہار یک دو سہ چار پنج و شش
گھیریں رہیں ہیں تجھ کو یار یک دو سہ چار پنج و شش
صید تو جو کرے شکار یک دو سہ چار پنج و شش
صبح وصال کا بھی دن دیکھوں گا اے خدا کبھی
ہو چکیں شام انتظار یک دو سہ چار پنج و شش
جی مرا چاہتا ہے یوں ہووے جو دسترس کبھی
تجھ پر کروں میں جاں نثار یک دو سہ چار پنج و شش
بوسوں کے تیرے لب پہ ہیں میرے ادھار بے شمار
دے ہے تو کچھ بھی کر شمار یک دو سہ چار پنج و شش
ہجر کی شب اے ماہ رو رو رو گنیں ہیں صبح تک
تارے یہ چشم اشکبار یک دو سہ چار پنج و شش
انگلیوں پہ گنوں ہوں میں گھڑیاں امید وصل میں
جوں گنے صاحب قمار یک دو سہ چار پنج و شش
شش جہت جہاں کے پیچ منہ کروں جدھر کو میں
ہوتے ہیں مجھ سے غم دو چار یک دو سہ چار پنج و شش
حسرتؔ غم زدہ کا غم کھاوے گا تو اگر نہ یار
اس کے ہیں تجھ سے غم گسار یک دو سہ چار پنج و شش
مأخذ:
Deewan-e-Hasrat Azeemabadi (Pg. 309)
-
- اشاعت: 1978
- ناشر: ترقی اردو بورڈ، نئی دہلی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
