saqi ki bargah mein koi bhi kam nahin
saaqī kī bārgāh meñ koī bhī kam nahīñ
ye mai-kada hai mahfil-e-dair-o-haram nahīñ
ab ehtimām-e-bāda-kashī kyā kare koī
terī nigāh-e-qahr bhī sahbā se kam nahīñ
saaqī kī ik nazar ne ġhanī kar diyā mujhe
ab chāhe kuchh mile na mile koī ġham nahīñ
dair-o-haram ho kū-e-butāñ ho ki mai-kada
kis kis maqām par mire naqsh-e-qadam nahīñ
kaalī ghaTā ko dekh ke uThne lage qadam
'kāmil' samajh ga.e tirī tauba meñ dam nahīñ
saqi ki bargah mein koi bhi kam nahin
ye mai-kada hai mahfil-e-dair-o-haram nahin
ab ehtimam-e-baada-kashi kya kare koi
teri nigah-e-qahr bhi sahba se kam nahin
saqi ki ek nazar ne ghani kar diya mujhe
ab chahe kuchh mile na mile koi gham nahin
dair-o-haram ho ku-e-butan ho ki mai-kada
kis kis maqam par mere naqsh-e-qadam nahin
kali ghaTa ko dekh ke uThne lage qadam
'kaamil' samajh gae teri tauba mein dam nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
