saqi ki har nigah mein sahba thi jam tha

saaqī kī har nigāh meñ sahbā thī jaam thā

kal shaġhl-e-mai-kashī kā hameñ izn-e-ām thā

ham kushta-e-ḳhizāñ sahī ai dosto magar

āsūda-e-bahār hamārā hī naam thā

mere baġhair aaj vo kitne haiñ shādmāñ

jin ko mire firāq meñ jiinā harām thā

dekhā jo mai-kade meñ use aur baḌh gayā

merī nazar meñ shaiḳh kā jo ehtirām thā

ham be-niyāziyoñ kā gilā tujh se kyā kareñ

ai dost apnā jazba-e-ulfat hī ḳhaam thā

un se nazar milī ki na.ī zindagī milī

un kī nigāh-e-nāz meñ kaisā payām thā

dār-o-rasan ko chuum ke qurbān ho gayā

'jāñbāz' bil-yaqīn ye terā hī kaam thā

saqi ki har nigah mein sahba thi jam tha

kal shaghl-e-mai-kashi ka hamein izn-e-am tha

hum kushta-e-KHizan sahi ai dosto magar

aasuda-e-bahaar hamara hi nam tha

mere baghair aaj wo kitne hain shadman

jin ko mere firaq mein jina haram tha

dekha jo mai-kade mein use aur baDh gaya

meri nazar mein shaiKH ka jo ehtiram tha

hum be-niyaziyon ka gila tujh se kya karen

ai dost apna jazba-e-ulfat hi KHam tha

un se nazar mili ki nai zindagi mili

un ki nigah-e-naz mein kaisa payam tha

dar-o-rasan ko chum ke qurban ho gaya

'jaanbaz' bil-yaqin ye tera hi kaam tha