saqiya ho garmi-e-sohbat zara barsat mein

sāqiyā ho garmi-e-sohbat zarā barsāt meñ

kyā hī ThanDī ThanDī chaltī hai havā barsāt meñ

rakh ke ai saaqī ḳhum-e-mai meñ bahā denā mujhe

bāda-kash huuñ aa.egī merī qazā barsāt meñ

merī aaheñ haiñ dalīl-e-girya-e-be-intihā

jitnī āñdhī aa.e bārish ho sivā barsāt meñ

pāñch ye mere havās-e-ḳhamsa haiñ do jism-o-jāñ

ishq ne taqsīm paa.ī hai barābar saat meñ

kab tumhārī raah dekheñ phuul ho kis fazl ke

aaoge garmī meñ yā jaaḌe meñ yā barsāt meñ

abr dariyā sabza saaqī yaar mutrib duḳht-e-raz

'mehr' hai in saat chīzoñ kā mazā barsāt meñ

saqiya ho garmi-e-sohbat zara barsat mein

kya hi ThanDi ThanDi chalti hai hawa barsat mein

rakh ke ai saqi KHum-e-mai mein baha dena mujhe

baada-kash hun aaegi meri qaza barsat mein

meri aahen hain dalil-e-girya-e-be-intiha

jitni aandhi aae barish ho siwa barsat mein

panch ye mere hawas-e-KHamsa hain do jism-o-jaan

ishq ne taqsim pai hai barabar sat mein

kab tumhaari rah dekhen phul ho kis fazl ke

aaoge garmi mein ya jaDe mein ya barsat mein

abr dariya sabza saqi yar mutrib duKHt-e-raz

'mehr' hai in sat chizon ka maza barsat mein