saqiya ye jo tujhko ghere hain

Heera Lal Falak Dehlvi

saqiya ye jo tujhko ghere hain

Heera Lal Falak Dehlvi

MORE BYHeera Lal Falak Dehlvi

    sāqiyā ye jo tujh ko ghere haiñ

    in meñ kuchh riñd kuchh luTere haiñ

    apnī tahzīb khā rahī hai hameñ

    saañp ke muñh meñ ḳhud sapere haiñ

    jis ne baḳhshe haiñ phuul gulshan ko

    us ne kuchh ḳhaar bhī bikhere haiñ

    kal jo tūfān thā samundar meñ

    us ke ab sāhiloñ pe Dere haiñ

    tere baare meñ kuchh nahīñ ma.alūm

    ham agar haiñ to sirf tere haiñ

    hosh-o-ġhaflat meñ paas maujūd

    mujh ko vo har taraf se ghere haiñ

    tum se to kyā nazar milā.eñge

    ḳhud se bhī ham nigāh phere haiñ

    dar-haqīqat vahī adū haiñ 'falak'

    jin ko kahtā hai ki mere haiñ

    saqiya ye jo tujh ko ghere hain

    in mein kuchh rind kuchh luTere hain

    apni tahzib kha rahi hai hamein

    sanp ke munh mein KHud sapere hain

    jis ne baKHshe hain phul gulshan ko

    us ne kuchh KHar bhi bikhere hain

    kal jo tufan tha samundar mein

    us ke ab sahilon pe Dere hain

    tere bare mein kuchh nahin malum

    hum agar hain to sirf tere hain

    hosh-o-ghaflat mein pas hi maujud

    mujh ko wo har taraf se ghere hain

    tum se to kya nazar milaenge

    KHud se bhi hum nigah phere hain

    dar-haqiqat wahi adu hain 'falak'

    jin ko kahta hai tu ki mere hain

    Source
    • Book : Harf-o-sada (Pg. 70)
    • Author : Hira lal Falak Dehlvi
    • Publication : Hira lal Falak Dehlvi (1982)
    • Edition : 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY