sara aalam gosh-bar-awaz hai

Asrarul Haq Majaz

sara aalam gosh-bar-awaz hai

Asrarul Haq Majaz

MORE BY Asrarul Haq Majaz

    saarā aalam gosh-bar-āvāz hai

    aaj kin hāthoñ meñ dil saaz hai

    jahāñ hai zamzama-pardāz hai

    dil jahāñ hai gosh-bar-āvāz hai

    haañ zarā jur.at dikhā ai jazb-e-dil

    husn ko parde pe apne naaz hai

    ham-nashīñ dil haqīqat kyā kahūñ

    soz meñ Duubā huā ik saaz hai

    aap maḳhmūr āñkhoñ qasam

    merī mai-ḳhvārī abhī tak raaz hai

    hañs diye vo mere rone par magar

    un ke hañs dene meñ bhī ik raaz hai

    chhup ga.e vo sāz-e-hastī chheḌ kar

    ab to bas āvāz āvāz hai

    husn ko nāhaq pashemāñ kar diyā

    ai junūñ ye bhī koī andāz hai

    saarī mahfil jis pe jhuum uTThī 'majāz'

    vo to āvāz-e-shikast-e-sāz hai

    sara aalam gosh-bar-awaz hai

    aaj kin hathon mein dil ka saz hai

    tu jahan hai zamzama-pardaz hai

    dil jahan hai gosh-bar-awaz hai

    han zara jurat dikha ai jazb-e-dil

    husn ko parde pe apne naz hai

    ham-nashin dil ki haqiqat kya kahun

    soz mein Duba hua ek saz hai

    aap ki maKHmur aankhon ki qasam

    meri mai-KHwari abhi tak raaz hai

    hans diye wo mere rone par magar

    un ke hans dene mein bhi ek raaz hai

    chhup gae wo saz-e-hasti chheD kar

    ab to bas aawaz hi aawaz hai

    husn ko nahaq pasheman kar diya

    ai junun ye bhi koi andaz hai

    sari mahfil jis pe jhum uTThi 'majaz'

    wo to aawaz-e-shikast-e-saz hai

    RECITATIONS

    Nomaan Shauque

    Nomaan Shauque

    Nomaan Shauque

    sara aalam gosh-bar-awaz hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY