sare KHake uske KHake sara manzar us ka hai

saare ḳhāke us ke ḳhāke saarā manzar us kā hai

apnā muqaddar qatra-e-shabnam aur samundar us kā hai

garm havā.eñ dhuup bagūle dasht ye sahrā mere haiñ

kirneñ jugnū shabnam ḳhushbū sarv sanobar us kā hai

dekho vo tārīḳh khaḌī hai ek sunahrā baab liye

jo maqtal meñ pahle pahuñchā aaj muqaddar us kā hai

jis ko maiñ ne phuul diye aur phūloñ kī mahkāreñ diiñ

merī jānib aane vaalā pahlā patthar us kā hai

kāhkashāñ kī saarī jihateñ chāñd kā āñgan dekh liyā

aisī to haiñ us kī galiyāñ aisā to ghar us kā hai

maiñ kyā jānūñ qahr-o-ġhazab pādāsh-e-amal kī baat 'vafā'

apnī haiñ zaitūn kī shāḳheñ arsa-e-mahshar us kā hai

sare KHake us ke KHake sara manzar us ka hai

apna muqaddar qatra-e-shabnam aur samundar us ka hai

garm hawaen dhup bagule dasht ye sahra mere hain

kirnen jugnu shabnam KHushbu sarw sanobar us ka hai

dekho wo tariKH khaDi hai ek sunahra bab liye

jo maqtal mein pahle pahuncha aaj muqaddar us ka hai

jis ko main ne phul diye aur phulon ki mahkaren din

meri jaanib aane wala pahla patthar us ka hai

kahkashan ki sari jihaten chand ka aangan dekh liya

aisi to hain us ki galiyan aisa to ghar us ka hai

main kya jaanun qahr-o-ghazab padash-e-amal ki baat 'wafa'

apni hain zaitun ki shaKHen arsa-e-mahshar us ka hai