sare sitaron ke hamin tanha raqib the

saare sitāroñ ke hamīñ tanhā raqīb the

ham ek shab to chāñd ke itne qarīb the

hāthoñ ko ye gila haiñ baḌe kam-nasīb ham

āñkheñ ye sochtī haiñ ki ham ḳhush-nasīb the

rakkhī hai aap hī ke liye jaañ sañbhāl kar

yuuñ shahr meñ kuchh aur bhī husn-e-salīb the

ham meñ hī kuchh kamī thī jo samjhe na jā sake

varna hamāre dost to saare adiib the

hairān haiñ ham aa.ine meñ ḳhud ko dekh kar

jānāñ tumhāre shauq bhī kitne ajiib the

sare sitaron ke hamin tanha raqib the

hum ek shab to chand ke itne qarib the

hathon ko ye gila hain baDe kam-nasib hum

aankhen ye sochti hain ki hum KHush-nasib the

rakkhi hai aap hi ke liye jaan sanbhaal kar

yun shahr mein kuchh aur bhi husn-e-salib the

hum mein hi kuchh kami thi jo samjhe na ja sake

warna hamare dost to sare adib the

hairan hain hum aaine mein KHud ko dekh kar

jaanan tumhaare shauq bhi kitne ajib the