sath chhuTe nahin ab gawara mujhe

saath chhūTe nahīñ ab gavārā mujhe

chāhe ilzām de jag ye saarā mujhe

terī chāhat ne aisā nikhārā mujhe

jhuk ke takne lagā har sitārā mujhe

tū na ho paas mere to ai jān-e-jāñ

koī lagtā nahīñ tujh sā pyārā mujhe

be-ḳhudī meñ chalī aa.ī terī taraf

tū ne jab jab kiyā hai ishārā mujhe

pyaar ne tere mas.hūr sā kar diyā

tū ne jab se diyā hai sahārā mujhe

sab kī jhūTī navāzish se tang aa ga.ī

ab na koī pukāre ḳhudārā mujhe

saath tū jo 'shagufta' ke chalne lagā

achchhā lagne lagā har nazārā mujhe

sath chhuTe nahin ab gawara mujhe

chahe ilzam de jag ye sara mujhe

teri chahat ne aisa nikhaara mujhe

jhuk ke takne laga har sitara mujhe

tu na ho pas mere to ai jaan-e-jaan

koi lagta nahin tujh sa pyara mujhe

be-KHudi mein chali aai teri taraf

tu ne jab jab kiya hai ishaara mujhe

pyar ne tere mashur sa kar diya

tu ne jab se diya hai sahaara mujhe

sab ki jhuTi nawazish se tang aa gai

ab na koi pukare KHudara mujhe

sath tu jo 'shagufta' ke chalne laga

achchha lagne laga har nazara mujhe