saz-e-hasti ki sada arsh-e-barin tak pahunche

sāz-e-hastī kī sadā arsh-e-barīñ tak pahuñche

ai ḳhushā jins-e-amānat ki amiiñ tak pahuñche

haa.e vo shān-e-taġhāful ki hai mujh se maḳhsūs

haa.e vo arz-e-tamannā ki tumhīñ tak pahuñche

manzileñ aur bhī thiiñ manzil-e-jānāñ ke sivā

ham ba-mahrūmī-e-taqdīr vahīñ tak pahuñche

haath meñ mash.al-e-ḳhurshīd jilau meñ taare

kis takalluf se ham us māh-jabīñ tak pahuñche

ai ḳhudā vahm-e-ġhalat-kār ko de izn-e-junūñ

ki ḳhirad marhala-e-zauq-e-yaqīñ tak pahuñche

apnī uftād kī rūdād ye hai ahl-e-nazar

sū-e-aflāk ravāñ the ki zamīñ tak pahuñche

ham ḳharābāt-nashīnoñ kā vo aalī hai maqām

ki jo kam-zarf rahe taḳht-o-nagīñ tak pahuñche

pahle firdaus kī mahfil se nikāle ga.e ham

phir tirī mahfil-e-firdaus-e-qarīñ tak pahuñche

daulat-e-dīñ pe bahut naaz hai mujh ko 'ābid'

kaash ye baat kisī dushman-e-dīñ tak pahuñche

saz-e-hasti ki sada arsh-e-barin tak pahunche

ai KHusha jins-e-amanat ki amin tak pahunche

hae wo shan-e-taghaful ki hai mujh se maKHsus

hae wo arz-e-tamanna ki tumhin tak pahunche

manzilen aur bhi thin manzil-e-jaanan ke siwa

hum ba-mahrumi-e-taqdir wahin tak pahunche

hath mein mashal-e-KHurshid jilau mein tare

kis takalluf se hum us mah-jabin tak pahunche

ai KHuda wahm-e-ghalat-kar ko de izn-e-junun

ki KHirad marhala-e-zauq-e-yaqin tak pahunche

apni uftad ki rudad ye hai ahl-e-nazar

su-e-aflak rawan the ki zamin tak pahunche

hum KHarabaat-nashinon ka wo aali hai maqam

ki jo kam-zarf rahe taKHt-o-nagin tak pahunche

pahle firdaus ki mahfil se nikale gae hum

phir teri mahfil-e-firdaus-e-qarin tak pahunche

daulat-e-din pe bahut naz hai mujh ko 'abid'

kash ye baat kisi dushman-e-din tak pahunche