sab jise kahte hain waqf-e-gham-e-jaanan hona

sab jise kahte haiñ vaqf-e-ġham-e-jānāñ honā

avvalīñ shart hai us ke liye insāñ honā

ġham ke dāġhoñ ne baḌā kaam banāyā dil kā

is siyah-ḳhāne meñ mushkil thā charāġhāñ honā

apne partav ke sivā zehn meñ kuchh bhī na rahā

aur sikhlā.iye ā.īnoñ ko hairāñ honā

uf ye dīvāngī-e-ishq ki is bazm meñ bhī

jab kabhī hosh meñ aanā to pareshāñ honā

bazm-e-ālam ho ki mahshar merī dānist meñ hai

ik tajallī kā ka.ī ruḳh se numāyāñ honā

ḳhār-o-ḳhas ko bhī nigāhoñ meñ rakheñ ahl-e-chaman

varna mumkin nahīñ tanzīm-e-bahārāñ honā

dil ke TukḌe sar-e-dāman pe liye baiThā huuñ

khel samjhā thā ilāj-e-ġham-e-pinhāñ honā

merā kirdār hai zāhir mire ash.ār se 'kaif'

jaise tasvīr meñ ik rañg numāyāñ honā

sab jise kahte hain waqf-e-gham-e-jaanan hona

awwalin shart hai us ke liye insan hona

gham ke daghon ne baDa kaam banaya dil ka

is siyah-KHane mein mushkil tha charaghan hona

apne partaw ke siwa zehn mein kuchh bhi na raha

aur sikhlaiye aainon ko hairan hona

uf ye diwangi-e-ishq ki is bazm mein bhi

jab kabhi hosh mein aana to pareshan hona

bazm-e-alam ho ki mahshar meri danist mein hai

ek tajalli ka kai ruKH se numayan hona

KHar-o-KHas ko bhi nigahon mein rakhen ahl-e-chaman

warna mumkin nahin tanzim-e-bahaaran hona

dil ke TukDe sar-e-daman pe liye baiTha hun

khel samjha tha ilaj-e-gham-e-pinhan hona

mera kirdar hai zahir mere ashaar se 'kaif'

jaise taswir mein ek rang numayan hona