sab ka dildar hai dildar bhi aisa waisa

sab kā dildār hai dildār bhī aisā vaisā

ik mirā yaar hai aur yaar bhī aisā vaisā

dushman-e-jāñ bhī nahīñ koī barābar us ke

aur mirā hāshiya-bardār bhī aisā vaisā

be-ta.alluq hī sahī us ko magar hai mujh se

ik sarokār sarokār bhī aisā vaisā

us kā lahja ki bahut saada o māsūm sahī

hai fusūñ-kār fusūñ-kār bhī aisā vaisā

'zauq' se us ko aqīdat hai ki allāh allāh

aur 'ġhālib' kā taraf-dār bhī aisā vaisā

kyā zamāna thā ki jab ahl-e-havas ke nazdīk

koī meyār thā meyār bhī aisā vaisā

maiñ bhī tamsīl-nigārī meñ bahut aage thā

vo bhī fankār thā fankār bhī aisā vaisā

koī uftād paḌī thī ki abhī tak chup thā

ik suḳhan-kār suḳhan-kār bhī aisā vaisā

ek thī jur.at-e-inkār ki aisī vaisī

ek darbār thā darbār bhī aisā vaisā

jis kā shāhoñ kī nazar meñ koī kirdār na thā

ek kirdār thā kirdār bhī aisā vaisā

ek isrār thā isrār bhī bai.at ke liye

ek inkār thā inkār bhī aisā vaisā

sab ka dildar hai dildar bhi aisa waisa

ek mera yar hai aur yar bhi aisa waisa

dushman-e-jaan bhi nahin koi barabar us ke

aur mera hashiya-bardar bhi aisa waisa

be-talluq hi sahi us ko magar hai mujh se

ek sarokar sarokar bhi aisa waisa

us ka lahja ki bahut sada o masum sahi

hai fusun-kar fusun-kar bhi aisa waisa

'zauq' se us ko aqidat hai ki allah allah

aur 'ghaalib' ka taraf-dar bhi aisa waisa

kya zamana tha ki jab ahl-e-hawas ke nazdik

koi meyar tha meyar bhi aisa waisa

main bhi tamsil-nigari mein bahut aage tha

wo bhi fankar tha fankar bhi aisa waisa

koi uftad paDi thi ki abhi tak chup tha

ek suKHan-kar suKHan-kar bhi aisa waisa

ek thi jurat-e-inkar ki aisi waisi

ek darbar tha darbar bhi aisa waisa

jis ka shahon ki nazar mein koi kirdar na tha

ek kirdar tha kirdar bhi aisa waisa

ek israr tha israr bhi baiat ke liye

ek inkar tha inkar bhi aisa waisa