sab KHalaon ko KHalaon se bhigo sakta hai
sab ḳhalāoñ ko ḳhalāoñ se bhigo saktā hai
aadmī ruuh ke andar bhī to ro saktā hai
ye siyāhī kā sirā jaane kahāñ haath aa.e
mirā saayā tirā bātin bhī to ho saktā hai
dastaras tere samundar kī hai tujh se bhī pare
tū mujhe aañkh se bāhar bhī Dubo saktā hai
le to aayā hai mujhe maut kī gardish se alag
tū mujhe saañs ke mahvar pe bhī kho saktā hai
apne anfās kī tahrīk pe bikhrā hai magar
tū mere lams meñ yakjā bhī to ho saktā hai
terī miTTī ne samoyā nahīñ to kyā hai 'riyāz'
tū to is jism ke bāhar kahīñ so saktā hai
sab KHalaon ko KHalaon se bhigo sakta hai
aadmi ruh ke andar bhi to ro sakta hai
ye siyahi ka sira jaane kahan hath aae
mera saya tera baatin bhi to ho sakta hai
dastaras tere samundar ki hai tujh se bhi pare
tu mujhe aankh se bahar bhi Dubo sakta hai
le to aaya hai mujhe maut ki gardish se alag
tu mujhe sans ke mahwar pe bhi kho sakta hai
apne anfas ki tahrik pe bikhra hai magar
tu mere lams mein yakja bhi to ho sakta hai
teri miTTi ne samoya nahin to kya hai 'riyaz'
tu to is jism ke bahar kahin so sakta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
