sab lazzaten visal ki bekar karte ho

sab lazzateñ visāl kī bekār karte ho

kyuuñ baar baar niiñd se bedār karte ho

achchhā to tum ko mashq-e-masīhā.ī karnī hai

itnā isī liye hameñ bīmār karte ho

saaya saroñ pe dhuup meñ karne kī baat thī

ye nek kaam kyuuñ pas-e-dīvār karte ho

kapḌe safed dekh ke bolā ye merā jism

kis jashn ke liye mujhe tayyār karte ho

va.ada to ye ki ghar meñ basā.eñge ham tumheñ

phir ham ko qaidī-e-dar-o-dīvār karte ho

hai ishq ke sivā bhī koī baat varna tum

kyuuñ baar baar ishq kā iz.hār karte ho

aisā hai kaun dil kā ḳharīdār jis pe tum

chhoTī sī is dukān ko bāzār karte ho

ham to tumhāre qabza-e-qudrat meñ haiñ to phir

itnā qarīb kyuuñ mirī sarkār karte ho

dildār dil se lag ke khaḌe hoñ to kis liye

duniyā kī oT se mirā dīdār karte ho

'ehsās' hī ne tum ko banāyā hai bādshāh

'ehsās' hī ko rāñda-e-darbār karte ho

sab lazzaten visal ki bekar karte ho

kyun bar bar nind se bedar karte ho

achchha to tum ko mashq-e-masihai karni hai

itna isi liye hamein bimar karte ho

saya saron pe dhup mein karne ki baat thi

ye nek kaam kyun pas-e-diwar karte ho

kapDe safed dekh ke bola ye mera jism

kis jashn ke liye mujhe tayyar karte ho

wada to ye ki ghar mein basaenge hum tumhein

phir hum ko qaidi-e-dar-o-diwar karte ho

hai ishq ke siwa bhi koi baat warna tum

kyun bar bar ishq ka izhaar karte ho

aisa hai kaun dil ka KHaridar jis pe tum

chhoTi si is dukan ko bazar karte ho

hum to tumhaare qabza-e-qudrat mein hain to phir

itna qarib kyun meri sarkar karte ho

dildar dil se lag ke khaDe hon to kis liye

duniya ki oT se mera didar karte ho

'ehsas' hi ne tum ko banaya hai baadshah

'ehsas' hi ko randa-e-darbar karte ho