sab muKhaalif jab kinare ho gae

Shaikh Zahuruddin Hatim

sab muKhaalif jab kinare ho gae

Shaikh Zahuruddin Hatim

MORE BYShaikh Zahuruddin Hatim

    sab muḳhālif jab kināre ho ga.e

    ham meñ aur us meñ ishāre ho ga.e

    aa.e aur baiThe na kuchh shikva nahīñ

    ye ġhanīmat hai ki baare ho ga.e

    jab chaḌh aa.ī rū-ba-rū fauj-e-junūñ

    ham bhī sanmukh ho utāre ho ga.e

    hijr ne us ko jalāyā is qadar

    daaġh siine par añgāre ho ga.e

    jānte the apne ham hosh-o-havās

    yak nigah meñ sab tumhāre ho ga.e

    chashm to teġhe the aage miyāñ

    surma dene se do dhāre ho ga.e

    kaan ke motī tirī zulfoñ meñ raat

    ḳhalq nazroñ meñ taare ho ga.e

    jab hue 'hātim' ham us se āshnā

    dost bhī dushman hamāre ho ga.e

    sab muKHalif jab kinare ho gae

    hum mein aur us mein ishaare ho gae

    aae aur baiThe na kuchh shikwa nahin

    ye ghanimat hai ki bare ho gae

    jab chaDh aai ru-ba-ru fauj-e-junun

    hum bhi sanmukh ho utare ho gae

    hijr ne us ko jalaya is qadar

    dagh sine par angare ho gae

    jaante the apne hum hosh-o-hawas

    yak nigah mein sab tumhaare ho gae

    chashm to teghe the aage hi miyan

    surma dene se do dhaare ho gae

    kan ke moti teri zulfon mein raat

    KHalq ki nazron mein tare ho gae

    jab hue 'hatim' hum us se aashna

    dost bhi dushman hamare ho gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY