sab se itna na main juda hota

sab se itnā na maiñ judā hotā

kaash thoḌā paḌhā-likhā hotā

merī vahshat hī us ko le Duubī

maiñ na hotā to nā-ḳhudā hotā

ishq meñ kuchh na kuchh kiyā sab ne

kuchh na hotā to kuchh judā hotā

maiñ na hotā magar mire hamdam

koī mujh sā to aap kā hotā

raat ke Dhaa.ī baj chuke 'sohil'

koī lamha to raat sā hotā

maiñ jahāñ ḳhush huuñ jis tarah ḳhush huuñ

koī hotā to mar gayā hotā

kaun 'sohil' ḳhudā ḳhudā chillā.e

vo jo hotā to jā-ba-jā hotā

sab se itna na main juda hota

kash thoDa paDha-likha hota

meri wahshat hi us ko le Dubi

main na hota to na-KHuda hota

ishq mein kuchh na kuchh kiya sab ne

kuchh na hota to kuchh juda hota

main na hota magar mere hamdam

koi mujh sa to aap ka hota

raat ke Dhai baj chuke 'sohil'

koi lamha to raat sa hota

main jahan KHush hun jis tarah KHush hun

koi hota to mar gaya hota

kaun 'sohil' KHuda KHuda chillae

wo jo hota to ja-ba-ja hota