sab un ka haal dekh rahe hain nazar se hum

sab un kā haal dekh rahe haiñ nazar se ham

baiThe haiñ is tarah se ki haiñ be-ḳhabar se ham

himmat se kaam le ke nigāheñ milā to leñ

uljhan meñ paḌ ga.e haiñ payām-e-nazar se ham

uḌne lagā hai phailtā jaatā hai har taraf

is dāman-e-ḳhayāl ko pakḌeñ kidhar se ham

dikhlā diyā jo aaj muqaddar ne us kā dar

ik bojh thā utaar chale apne sar se ham

dil meñ utar na aa.eñ vo āñkhoñ kī raah se

dil ko bachā rahe haiñ ḳhud apnī nazar se ham

rāheñ bhī band haiñ dar-e-taqdīr bhī hai band

us ke harīm-e-nāz meñ jaa.eñ kidhar se ham

haiñ aur kyā irāde tumheñ is kī fikr kyoñ

'ejāz' pūchh leñge usī fitna-gar se ham

sab un ka haal dekh rahe hain nazar se hum

baiThe hain is tarah se ki hain be-KHabar se hum

himmat se kaam le ke nigahen mila to len

uljhan mein paD gae hain payam-e-nazar se hum

uDne laga hai phailta jata hai har taraf

is daman-e-KHayal ko pakDen kidhar se hum

dikhla diya jo aaj muqaddar ne us ka dar

ek bojh tha utar chale apne sar se hum

dil mein utar na aaen wo aankhon ki rah se

dil ko bacha rahe hain KHud apni nazar se hum

rahen bhi band hain dar-e-taqdir bhi hai band

us ke harim-e-naz mein jaen kidhar se hum

hain aur kya irade tumhein is ki fikr kyon

'ejaz' puchh lenge usi fitna-gar se hum