saba mein mast-KHirami gulon mein bu na rahe

Sajida Zaidi

saba mein mast-KHirami gulon mein bu na rahe

Sajida Zaidi

MORE BYSajida Zaidi

    INTERESTING FACT

    December 1962

    sabā meñ mast-ḳhirāmī guloñ meñ na rahe

    tirā ḳhayāl agar dil ke rū-ba-rū na rahe

    tire baġhair har ik aarzū adhūrī hai

    jo mile to mujhe koī aarzū na rahe

    hai justujū meñ tirī ik jahāñ dard-o-nishāt

    to kyā ajab ki koī aur justujū na rahe

    tirī talab se ibārat hai soz-o-hayāt

    ho sard ātish-e-hastī jo dil meñ na rahe

    zauq-e-kam-talabī hai to aarzū shabāb

    hai yuuñ ki rahe aur koī justujū na rahe

    kitāb-e-umr har baab be-maza ho jaa.e

    jo dard maiñ na rahūñ aur daaġh na rahe

    ḳhudā kare na vo uftād aa paḌe ham par

    ki jān-o-dil raheñ aur terī aarzū na rahe

    tire ḳhayāl mai dil meñ yuuñ utārī hai

    kabhī sharāb se ḳhālī mirā subū na rahe

    vo dasht-e-dard sahī tum se vāsta to rahe

    rahe ye sāya-e-gesū-e-mushk-bū na rahe

    karo hamāre dāġhoñ se raushnī tum bhī

    baḌā hai dard rishta duī na rahe

    nahīñ qarār lazzat se āshnā ye vajūd

    vo ḳhaak merī nahīñ hai jo kū-ba-kū na rahe

    is iltihāb meñ kaise ġhazal-sarā ho koī

    ki sāz-e-dil na rahe ḳhū-e-naġhma-jū na rahe

    safar tavīl hai is umr-e-sho.ala-sāmāñ

    vo kyā kare jise jiine aarzū na rahe

    saba mein mast-KHirami gulon mein bu na rahe

    tera KHayal agar dil ke ru-ba-ru na rahe

    tere baghair har ek aarzu adhuri hai

    jo tu mile to mujhe koi aarzu na rahe

    hai justuju mein teri ek jahan ka dard-o-nishat

    to kya ajab ki koi aur justuju na rahe

    teri talab se ibarat hai soz-o-hayat

    ho sard aatish-e-hasti jo dil mein tu na rahe

    tu zauq-e-kam-talabi hai to aarzu ka shabab

    hai yun ki tu rahe aur koi justuju na rahe

    kitab-e-umr ka har bab be-maza ho jae

    jo dard main na rahun aur dagh tu na rahe

    KHuda kare na wo uftad aa paDe hum par

    ki jaan-o-dil rahen aur teri aarzu na rahe

    tere KHayal ki mai dil mein yun utari hai

    kabhi sharab se KHali mera subu na rahe

    wo dasht-e-dard sahi tum se wasta to rahe

    rahe ye saya-e-gesu-e-mushk-bu na rahe

    karo hamare hi daghon se raushni tum bhi

    baDa hai dard ka rishta dui ki bu na rahe

    nahin qarar ki lazzat se aashna ye wajud

    wo KHak meri nahin hai jo ku-ba-ku na rahe

    is iltihab mein kaise ghazal-sara ho koi

    ki saz-e-dil na rahe KHu-e-naghma-ju na rahe

    safar tawil hai is umr-e-shoala-saman ka

    wo kya kare jise jine ki aarzu na rahe

    Source
    • Book : Aatish Zeer-e-paa (Pg. 160)
    • Author : Sajidah Zaidi
    • Publication : Sajidah Zaidi, Aligarah (1995)
    • Edition : 1995
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY