sabab kya puchhte ho ishq ki aashufta-haali ka
sabab kyā pūchhte ho ishq kī āshufta-hālī kā
divāna hai kisū dilbar kī vaz-e-lāubālī kā
bharā hai shahd kānoñ meñ samā.at kī halāvat se
kahūñ kyā zā.iqa shīrīñ-dahan kī ḳhush-maqālī kā
tirī āñkhoñ ke aage ro ke āh-e-sard bhartā huuñ
ki nit hai zauq mastoñ ko havā-e-barshagālī kā
dil-e-be-tāb jiyūñ sīmāb-hasrat se taḌaptā hai
adā se jab lahaktā hegā motī us kī baalī kā
kiyā huuñ ishq meñ tārīf us mah-rū ke abrū kī
har ik misra.a hai merā rashk dīvān-e-hilālī kā
sabab kya puchhte ho ishq ki aashufta-haali ka
diwana hai kisu dilbar ki waz-e-laubaali ka
bhara hai shahd kanon mein samaat ki halawat se
kahun kya zaiqa shirin-dahan ki KHush-maqali ka
teri aankhon ke aage ro ke aah-e-sard bharta hun
ki nit hai zauq maston ko hawa-e-barshagali ka
dil-e-be-tab jiyun simab-hasrat se taDapta hai
ada se jab lahakta hega moti us ki baali ka
kiya hun ishq mein tarif us mah-ru ke abru ki
har ek misra hai mera rashk diwan-e-hilali ka
Source:
Deewan-e-Ishq(Rekhta Website) (Pg. 16)
-
- Publisher: Idara-e-Adabiyat-e-Urdu, Hyderabad
- Year of Publication: 1960
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
