sabhi sadiyon ko mil kar sochna hai

sabhī sadiyoñ ko mil kar sochnā hai

ki ik lamhe kā man kyoñ anmanā hai

tumhāre paas haiñ ilm-o-hunar sab

hamāre paas bas ik bachpanā hai

bachā kar tum use gullak meñ rakkho

hameñ to zindagī ko ḳharchanā hai

haiñ kuchh īmān tere khel meñ yā

tirā maqsad yahāñ bas jītnā hai

sivā is ke qayāmat aur kyā hai

ḳhudā.ī kā ḳhudā se sāmnā hai

zarā ye soch kar taqrīr karnā

tumhāre baad ham ko bolnā hai

chamak sūraj kī kam thoḌe huī hai

use ghere hue bādal ghanā hai

kisī din bhaaḌ ko vo phoḌ degā

jise kahte haiñ sab thothā chanā hai

sabhi sadiyon ko mil kar sochna hai

ki ek lamhe ka man kyon anmana hai

tumhaare pas hain ilm-o-hunar sab

hamare pas bas ek bachpana hai

bacha kar tum use gullak mein rakkho

hamein to zindagi ko KHarchana hai

hain kuchh iman tere khel mein ya

tera maqsad yahan bas jitna hai

siwa is ke qayamat aur kya hai

KHudai ka KHuda se samna hai

zara ye soch kar taqrir karna

tumhaare baad hum ko bolna hai

chamak suraj ki kam thoDe hui hai

use ghere hue baadal ghana hai

kisi din bhaD ko wo phoD dega

jise kahte hain sab thotha chana hai