sabr KHud ukta gaya achchha hua
Interesting Fact
27-3-53
sabr ḳhud uktā gayā achchhā huā
kuchh to bojh ehsās kā halkā huā
vo ġhurūr-e-hosh-mandī kyā huā
jo qadam paḌtā hai vo bahkā huā
chheḌ baiThā vaqt apnī rāgnī
saaz par jab aap kā qabza huā
tak rahā hai ḳhud unhī kī anjuman
fitna fitna un kā chauñkāyā huā
ruup badlā hai sahar kā raat ne
dekhne vaalo tumheñ dhokā huā
kar rahe ho kis se tum zikr-e-chaman
ġhuncha ġhuncha hai mirā dekhā huā
aap kaj-rau haiñ ki sab kaj-fahm haiñ
hal baḌī mushkil se ye uqda huā
maslahat 'yāqūb' kyuuñ hai dam-ba-ḳhud
raaz kis kī bazm kā ifshā huā
sabr KHud ukta gaya achchha hua
kuchh to bojh ehsas ka halka hua
wo ghurur-e-hosh-mandi kya hua
jo qadam paDta hai wo bahka hua
chheD baiTha waqt apni ragni
saz par jab aap ka qabza hua
tak raha hai KHud unhi ki anjuman
fitna fitna un ka chaunkaya hua
rup badla hai sahar ka raat ne
dekhne walo tumhein dhoka hua
kar rahe ho kis se tum zikr-e-chaman
ghuncha ghuncha hai mera dekha hua
aap kaj-rau hain ki sab kaj-fahm hain
hal baDi mushkil se ye uqda hua
maslahat 'yaqub' kyun hai dam-ba-KHud
raaz kis ki bazm ka ifsha hua
Source:
Sang-e-meel (Pg. B-114 E-116)
- Author: Yaqoob Usmani
-
- Edition: 1954
- Publisher: Maktaba Shahrah, Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
