sabze se sab dasht bhare hain tal bhare hain pani se
sabze se sab dasht bhare haiñ taal bhare haiñ paanī se
mere andar ḳhālī-pan hai kis kī be-īmānī se
ab ke apnī chhat bhī khulī hai dīvāroñ meñ dar haiñ bahut
bārish dhuup havā jo chāhe aa jaa.e āsānī se
sachchā.ī hamdardī yaarī yuuñ ham meñ se chalī ga.ī
jaise ḳhud kirdār ḳhafā ho jaa.eñ kisī kahānī se
chehre par jo kuchh bhī likhā hai vo sab ek haqīqat hai
ā.īna kyā dekh rahe ho tum itnī hairānī se
taqrīreñ detī haiñ dilāse yā nafrat phailātī haiñ
tū maiñ aur tārīḳheñ lekin bantī haiñ qurbānī se
ḳhuun ke rishte ḳhuun meñ Duube ek zamīñ ke TukḌe par
sadiyoñ kā apnā-pan bhūle ham kitnī āsānī se
sabze se sab dasht bhare hain tal bhare hain pani se
mere andar KHali-pan hai kis ki be-imani se
ab ke apni chhat bhi khuli hai diwaron mein dar hain bahut
barish dhup hawa jo chahe aa jae aasani se
sachchai hamdardi yari yun hum mein se chali gai
jaise KHud kirdar KHafa ho jaen kisi kahani se
chehre par jo kuchh bhi likha hai wo sab ek haqiqat hai
aaina kya dekh rahe ho tum itni hairani se
taqriren deti hain dilase ya nafrat phailati hain
tu main aur tariKHen lekin banti hain qurbani se
KHun ke rishte KHun mein Dube ek zamin ke TukDe par
sadiyon ka apna-pan bhule hum kitni aasani se
Source:
Rooh-e-Ghazal,Pachas Sala Intekhab (Pg. 443)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
