sach hai ki is bahaar ke aage ye kuchh nahin

sach hai ki is bahār ke aage ye kuchh nahīñ

lekin hamāre pyaar ke aage ye kuchh nahīñ

mai kā ḳhumār Thiik hai apnī jagah magar

tere diye ḳhumār ke aage ye kuchh nahīñ

shāhoñ ke taaj vāqa.ī behad hasīn haiñ

lekin jamāl-e-yār ke aage ye kuchh nahīñ

chāhe jahāñ kare na kare mujh pe e'tibār

ik tere e'tibār ke aage ye kuchh nahīñ

majbūriyāñ hamārī hoñ rusvā.ī kā sabab

haañ tere iḳhtiyār ke aage ye kuchh nahīñ

kaliyāñ bahār phuul chaman aur vādiyāñ

mahbūb ke dayār ke aage ye kuchh nahīñ

jitnā bhī apne sar ko uThā.eñ ye nafrateñ

'kāshif' 'adīb' pyaar ke aage ye kuchh nahīñ

sach hai ki is bahaar ke aage ye kuchh nahin

lekin hamare pyar ke aage ye kuchh nahin

mai ka KHumar Thik hai apni jagah magar

tere diye KHumar ke aage ye kuchh nahin

shahon ke taj waqai behad hasin hain

lekin jamal-e-yar ke aage ye kuchh nahin

chahe jahan kare na kare mujh pe e'tibar

ek tere e'tibar ke aage ye kuchh nahin

majburiyan hamari hon ruswai ka sabab

han tere iKHtiyar ke aage ye kuchh nahin

kaliyan bahaar phul chaman aur wadiyan

mahbub ke dayar ke aage ye kuchh nahin

jitna bhi apne sar ko uThaen ye nafraten

'kashif' 'adib' pyar ke aage ye kuchh nahin