sach hai teri hi aarzu mujhko

sach hai terī hī aarzū mujh ko

kahīñ jiine de yūñhī tū mujh ko

banda-e-nau-ḳharīd huuñ har dam

rakhiye āñkhoñ ke rū-ba-rū mujh ko

kal tak us kī talāsh thī lekin

aaj hai apnī justujū mujh ko

pahle vo thā ki tum na the āgāh

ab vo huuñ sun lo kū-ba-kū mujh ko

vaañ shikāyat pe vo hikāyat hai

ki nahīñ jā-e-guftugū mujh ko

ai hayāt-e-do-rozā le aa.ī

kin giraftāriyoñ meñ tū mujh ko

'dāġh' yaksū ho ḳhush nahīñ aatī

nā-umīdāna aarzū mujh ko

sach hai teri hi aarzu mujh ko

kahin jine de yunhi tu mujh ko

banda-e-nau-KHarid hun har dam

rakhiye aankhon ke ru-ba-ru mujh ko

kal tak us ki talash thi lekin

aaj hai apni justuju mujh ko

pahle wo tha ki tum na the aagah

ab wo hun sun lo ku-ba-ku mujh ko

wan shikayat pe wo hikayat hai

ki nahin ja-e-guftugu mujh ko

ai hayat-e-do-roza le aai

kin giraftariyon mein tu mujh ko

'dagh' yaksu ho KHush nahin aati

na-umidana aarzu mujh ko