sach kah raza ye kis se lagai hai saT-baat

sach kah 'razā' ye kis se lagā.ī hai sāT-bāT

kuchh phir hai in dinoñ meñ tirā jī nipaT uchāT

dekheñge kyuuñ ke chashmoñ se jaate rahoge tum

laḳht-e-jigar kī chaukī bi.Thā.ī hai ghaaT ghaaT

TukḌe chune haiñ dil ke jo āñkhoñ ke ḳhvān haiñ

hai kis ke mehmānī kā ai mardumāñ ye ThaaT

apnī galī ke aane se mujh ko na man' kar

bad-nām ho ge band karegā jo raah baaT

us chashm-o-dil ne kahnā na maanā tamām 'umr

ham par ḳharābī laa.ī ye ghar hī kī phūT-phāT

rahne de apnī bazm meñ kuchh bolūñ maiñ agar

mānind-e-sham.a phir vahīñ merī zabāñ ko kaaT

ab is galī meñ aatā jo hai har ghaḌī 'razā'

kuchh to milī hai vaañ se tujhe merī baaT chaaT

sach kah 'raza' ye kis se lagai hai saT-baT

kuchh phir hai in dinon mein tera ji nipaT uchaT

dekhenge kyun ke chashmon se jate rahoge tum

laKHt-e-jigar ki chauki biThai hai ghaT ghaT

TukDe chune hain dil ke jo aankhon ke KHwan hain

hai kis ke mehmani ka ai marduman ye ThaT

apni gali ke aane se mujh ko na man' kar

bad-nam ho ge band karega jo rah baT

us chashm-o-dil ne kahna na mana tamam 'umr

hum par KHarabi lai ye ghar hi ki phuT-phaT

rahne de apni bazm mein kuchh bolun main agar

manind-e-shama phir wahin meri zaban ko kaT

ab is gali mein aata jo hai har ghaDi 'raza'

kuchh to mili hai wan se tujhe meri baT chaT