sach ki aawaz ka suli pe bhi rad hai had hai

sach kī āvāz kā suulī pe bhī rad hai had hai

tum agar jhuuT bhī bolo to sanad hai had hai

tum to sūraj the pe hairat hai mujhe vaqt-e-zavāl

ik diye se tumheñ is darja hasad hai had hai

maiñ ki masjūd-e-malā.ik thā kabhī dāvar-e-hashr

mere ā'māl par un se hī madad hai had hai

ham to barbādī kā sāmān kiye baiThe the

maslak-e-ishq-o-vafā meñ yahāñ had hai had hai

jin charāġhoñ kī madad se maiñ farozāñ huā huuñ

raushnī se mirī aaj un ko hī kad hai had hai

'anjum' is shahr ko dā'vā thā zabāñ-dānī kā

shā'ir is shahr meñ tū ek 'adad hai had hai

sach ki aawaz ka suli pe bhi rad hai had hai

tum agar jhuT bhi bolo to sanad hai had hai

tum to suraj the pe hairat hai mujhe waqt-e-zawal

ek diye se tumhein is darja hasad hai had hai

main ki masjud-e-malaik tha kabhi dawar-e-hashr

mere aa'mal par un se hi madad hai had hai

hum to barbaadi ka saman kiye baiThe the

maslak-e-ishq-o-wafa mein yahan had hai had hai

jin charaghon ki madad se main farozan hua hun

raushni se meri aaj un ko hi kad hai had hai

'anjum' is shahr ko da'wa tha zaban-dani ka

sha'ir is shahr mein tu ek 'adad hai had hai